NOTA DE PRENSA - DELÍTO ECOLÓXICO (RUBBER)

PODEMOS-fene, entende que a provisión de 5 millóns de pneumáticos  ao interior do recinto  da antiga fábrica Rubber  situada ao bordo da N- 651, polo seu impacto mediambiental toma condición de delito ecolóxico de primeira magnitude.

Solicitará da institución  municipal expediente administrativo  a efectos de determinar o alcance de responsabilidades, como asemade  esixindo a erradicación de tan daniña realidade.

Desde que en outubro do  ano 2000 crebou  fabríca, o abasto de pneumáticos existentes na planta, transformouse de facto nun vertedoiro ilegal. que por pasividade interventora derivou nun serio problema ambiental que pasados 14 anos por acumulada neglixencia e implicación política de todo signo, fixo que o recinto da antiga planta de recauchutados Rubber, sexa ao día de hoxe o mais perigoso depósito de pneumáticos de toda a xeografía galega.

Tal é así que actualmente nesa localización deposítanse ao redor de 60.000 toneladas de pneumáticos abandonados, ou o que é o mesmo 5 millóns de rodas desbotadas, amoreadas nunha zona de 5700 m2, e a escaso medio quilómetro da zona urbana de Fene, que ademais da afección por impacto paisaxístico, a degradación química parcial dese material pon en grave risco a estabilidade dos recursos naturais da zona. afectando nocivamente ao solo, o subsolo, e á totalidade do medio hidrobiolóxico.

Tendo de engadir a iso que por situación anexa a unha frondosa masa forestal, un suposto incendio obrigaría á total evacuación da veciñanza da localidade, por canto a nube tóxica de combustión das rodas almacenadas sería altamente perigosa para a saúde humana ao causar afección ao sistema respiratorio, afogos inmediatos, insuficiencia cardíaca, asma e ata cancro pulmonar.

Xa que logo,PODEMOS-fene,  ao marxe da obrigada rendición de contas e expurga por responsabilidades, esixirá en primeiro termo e sen mais dilación a recondución da situación en prol de alcanzar a urxente erradicación de tan daniña realidade, acudindo en primeira instancia a adminstración municipal ( Concello de Fene),instando expediente administrativo, para  unha vez revisado seu contido proceder en consecuencia.